на Русском
TOEFL time․ Աննա Հակոբյանը տեսանյութ է հրապար... 
Մխիթարյանի տրանսֆերային արժեքը փոփոխվել է․ Ա ... 
«Սպորտի ոլորտում տարվա լավագույնների ընտրություն» մրցույթ. հայտնի են անվանացանկերը
ՀՀ կրթության, գիտության, մշակույթի և սպորտի նախարարությունը դեկտեմբերի 24-ին կիրականացնի «Սպորտի ոլորտում տարվա լավագույնների ընտրություն» մրցույթը, որի նպատակն է խրախուսել և մեծարել ընթացիկ տարում նվաճումներ կամ նշանակալի հաջողություններ գրանցած, ինչպես նաև իրենց մրցելույթներով ՀՀ ճանաչելիության և հեղինակության բարձրացմանը, պետական խորհրդանիշների, ազգային արժեքների հանրահռչակմանը նպաստած հայ մարզիկներին և մարզիչներին:
Մրցույթի հաղթողները որոշվելու են նախարարության կողմից հավատարմագրված մարզական լրագրողների քվեարկության արդյունքների համադրմամբ: Լրագրողներն իրականացնելու են փակ, գաղտնի քվեարկություն:
Հանձնաժողովին ներկայացված անվանացանկերը պետք է պարունակեն առաջադրվող թեկնածուների լրիվ ցուցակը և համապատասխանեն լավագույնների ընտրության հետևյալ անվանակարգերին՝
ա. լավագույն 3 մարզիկներ.
բ. լավագույն կին մարզիկ.
գ. հաշմանդամություն ունեցող լավագույն մարզիկ.
դ. լավագույն թիմ (խաղային մարզաձևեր և շախմատ).
ե. լավագույն երիտասարդ մարզիկ.
զ. վերադարձ մեծ սպորտ և/կամ հայտնություն.
է. Հայաստանի Հանրապետությունը լավագույնս հանրահռչակած մարզիկ.
ը. լավագույն մարզիչ.
թ. հանդիսատեսի համակրանք (առցանց քվեարկությամբ):
Կից ներկայացվում է յուրաքանչյուր անվանակարգում ընդգրկված թեկնածուների անունները, որոնց շրջանում էլ լրագրողները պետք է կատարեն իրենց ընտրությունը: Միայն «Հանդիսատեսի համակրանք» անվանակարգում քվեարկությունն իրականացվելու է առցանց՝ այդ նպատակով Telegram սոցիալական հարթակում բացված ալիքում: Յուրաքանչյուր օգտատեր քվեարկությանը կկարողանա մասնակցել միայն մեկ անգամ:
Մրցույթի յուրաքանչյուր անվանակարգում հաղթողը պարգևատրվում է դրամական մրցանակով և հավաստագրով, իսկ «Հանդիսատեսի համակրանք» անվանակարգի հաղթողը՝ հուշանվերով և հավաստագրով: Յուրաքանչյուր մարզիկ կարող է հաղթող ճանաչվել միայն մեկ անվանակարգում, հավասար միավորների դեպքում դրամական մրցանակը բաժանվում է մարզիկների միջև հավասարապես:
Հաշմանդամություն ունեցող լավագույն մարզիկ
Լավագույն թիմ (խաղային մարզաձևեր և շախմատ),
Վերադարձ մեծ սպորտ և/կամ հայտնություն
