Չինացի տայկոնավորդները բաց տիեզերքում գտնվելու ռեկորդ են սահմանել

Երկու չինացի տայկոնավորդ ազգային ուղեծրային կայանից ռեկորդային՝ ինը ժամ բաց տիեզերք են դուրս եկել, Shantnews-ի փոխանցմամբ՝ հայտնել է Չինաստանի անձնակազմով թռիչքներ իրականցնող վարչությունը (CMSA):

Սա ավելի քան երկու ժամով գերազանցում է Միջազգային տիեզերակայանից ամերիկացի տիեզերագնացների տիեզերական զբոսանքի տևողությունը։

Նշվում է, որ նախօրեին ավարտված այս տիեզերական քայլարշավն ավարտվել է լիակատար հաջողությամբ։ Ցայ Հյուդզեն և Սոնգ Լինդոնգը կատարել են բազմաթիվ առաջադրանքներ։ Տայկոնավորդ Վանգ Հաօդզեն աջակցել է նրանց աշխատանքին ուղեծրային կայանից:

Տայկոնավորդներ Ցայ Հյուդզեն, Սոնգ Լինդոնգը և Վանգ Հաօդզեն՝ կայանի անձնակազմի առաջին կին անդամը, ժամանել են չինական ուղեծրային լաբորատորիա Շենչժոու 19 տիեզերանավի վրա նոյեմբերի 30-ին: Ընթացիկ առաքելության շրջանակներում նրանք կայանում կաշխատեն մոտ վեց ամիս՝ մինչև 2025 թվականի ապրիլի վերջ կամ մայիսի սկիզբ։

Շենչժոու-19 առաքելությունը անձնակազմի ութերորդ արշավախումբն է դեպի Տյանգոն կայարան: Ուղեծրային լաբորատորիա առաջին մարդատար առաքելությունն իրականացվել է 2021 թվականին։

Չինական տիեզերակայանը, որը գտնվում է ուղեծրում՝ մոտ 400 կմ բարձրության վրա, նախատեսված է երեք տայկոնավորդ տեղավորելու համար, սակայն անձնակազմի ռոտացիայի ժամանակ կարող է ժամանակավորապես տեղավորել մինչև վեց մարդ։

Շենչժոու-19 առաքելության շրջանակներում նախատեսվում է ևս մի քանի տիեզերական զբոսանք՝ գիտափորձեր և տեխնիկական առաջադրանքներ իրականացնելու համար։