Հիրսուտիզմ․ դեմքի մազակալման պատճառները

Հիրսուտիզմը կանանց շրջանում նկատվող երևույթ է, որը հանգեցնում է նրանց դեմքի, կրծքավանդակի և մեջքի շրջանում ​«տղամարդկային» տեսակի ​մուգ կամ կոշտ մազակալման:

Հիրսուտիզմի դեպքում հավելյալ մազերի աճը հաճախ առաջանում է արական սեռական հորմոնների (անդրոգենների) ավելցուկից, հիմնականում՝ տեստոստերոնից:

Հիրսուտիզմը բուժել ցանկացող կանանց համար հասանելի են ինքնօգնության մեթոդներ և արդյունավետ բուժման տարբերակներ, փոխանցում է Aysor.am-ը։

Մասնագետներն ունեն ամենատարբեր կարծիքներ այն մասին, թե ինչն է համարվում մազերի հավելյալ աճ:

Երբ արական սեռական հորմոնների՝ անդրոգենների բարձր մակարդակը առաջացնում է հիրսուտիզմ, ժամանակի ընթացքում կարող են զարգանալ այլ նշաններ, որը կոչվում է վիրիլիզացիա:

Վիրիլիզացիայի նշանները կարող են ներառել՝

ձայնի հաստացում կամ կոպտացում,

ճաղատացում,

ակնե,

կրծքի չափերի փոքրացում,

մկանային զանգվածի ավելացում։

Դեմքի կամ մարմնի ավելցուկային մազերը հաճախ որևէ հիմնական առողջական խնդրի ախտանիշ են: Գնահատման համար դիմեք բժշկի, եթե մի քանի ամսվա ընթացքում զգում եք դեմքի կամ մարմնի վրա մազածածկույթի ուժեղացած կամ արագ աճ:

Համապատասխան մասնագետները խնդրին ծանոթանալուց հետո կարող են ուղղորդել հորմոնային խանգարումների (ներզատաբան կամ էնդոկրինոլոգ) կամ մաշկային խնդիրների (մաշկաբան կամ դերմատոլոգ) ոլորտում մասնագիտացած բժշկի մոտ:

Մազակալումն ու մազերի գերաճը կարող է կապված լինել նաև այնպիսի խնդիրների հետ, ինչպիսիք են՝

Պոլիկիստոզային ձվարանների համախտանիշ. այս վիճակը, որը հաճախ սկսվում է սեռական հասունացման հետ, առաջացնում է սեռական հորմոնների անհավասարակշռություն:

Տարիների ընթացքում ՊՁՀ-ը կարող է դանդաղորեն հանգեցնել մազերի ավելորդ աճի, անկանոն դաշտանի, գիրության, անպտղության և երբեմն ձվարանների վրա բազմաթիվ կիստաների:

Քուշինգի համախտանիշ. սա առաջանում է, երբ մարմինը ենթարկվում է կորտիզոլ հորմոնի բարձր մակարդակներին: Այն կարող է զարգանալ մակերիկամների կողմից, որոնք չափազանց շատ կորտիզոլ են արտադրում կամ երկար ժամանակահատվածում այնպիսի դեղամիջոցներ ընդունելուց։

Բնածին մակերիկամային հիպերպլազիա. այս ժառանգական հիվանդությունը բնութագրվում է մակերիկամների կողմից ստերոիդ հորմոնների, այդ թվում՝ կորտիզոլի և անդրոգենների գերարտադրությամբ:

Ուռուցքներ. հազվադեպ, ձվարանների կամ մակերիկամների անդրոգեն արտազատող ուռուցքը կարող է առաջացնել հիրսուտիզմ:

Դեղորայք. որոշ դեղամիջոցներ կարող են առաջացնել հիրսուտիզմ: Եթե զուգընկերը օգտագործում է անդրոգեններ պարունակող տեղային միջոցներ, դուք նույնպես կարող եք ենթարկվել այդ նյութերի ազդեցությանը մաշկից մաշկ շփման միջոցով:

կան մի քանի գործոններ, որոնք կարող են ազդել ձեր հիրսուտիզմի զարգացման հավանականության վրա:

Ընտանեկան պատմություն. հիրսուտիզմ առաջացնող մի քանի հիվանդություններ և վիճակներ՝ ներառյալ մակերիկամների բնածին հիպերպլազիան և պոլիկիստոզային ձվարանների համախտանիշը, կարող են փոխանցվել ժառանգաբար:

Էթնիկ ծագում. միջերկրածովյան, մերձարևելյան և հարավասիական ծագում ունեցող կանայք ավելի հավանական է, որ մարմնի վրա ավելի շատ մազեր ունենան՝ առանց հայտնաբերելի պատճառի, քան մյուս կանայք:

Գիրություն. ճարպակալումը ևս հանգեցնում է անդրոգենների արտադրության ավելացմանը, ինչը կարող է վատթարացնել հիրսուտիզմը: