Չելսիի աստղը կնոջից բաժանվելուց հետո հանդիպո՞ւմ է հայտնի մոդելի հետ

Լոնդնոնի «Չելսիի» կիսապաշտպան Էնցո Ֆերնանդեսը կրկին թեժացնում է իր անձնական կյանքի շուրջ խոսակցությունները: Ինչպես հայտնում է Pulse Nigeria-ն, երկրպագուները ենթադրում են, որ ֆուտբոլիստը հարաբերություններ է սկսել արգենտինացի հայտնի մոդել Կանդելա Արիսագայի հետ:

Կասկածները ծագել են այն բանից հետո, երբ աստղերը Instagram-ում հրապարակել են գրեթե նույնական լուսանկարներ Լոնդոնում զբոսանքից։ Թեև նրանք չեն հետևում միմյանց, այնուամենայնիվ երկրպագուները կարծում են, որ հրապարակված լուսանկարները չեն կարող պարզապես պատահականություն լինել։

Կանդելա Արիսագան Արգենտինայում հայտնի մոդել է և նախկինում հանդիպել է տեղացի հայտնի ռեփեր L-Gante-ի հետ։ Վերջինս իր հերթին այժմ հարաբերությունների մեջ է Մաուրո Իկարդիի նախկին կնոջ՝ Վանդա Նառայի հետ։

23-ամյա խաղացողը ընթացիկ մրցաշրջանում «ազնավականների» կազմում մասնակցել է 20 հանդիպման՝ դառնալով 3 գոլի և 8 գոլային փոխանցման հեղինակ, փոխանցում է Armsport-ը։