Շոգեբաղնիքից օգտվելը կարող է վնասակար լինել որոշ խմբի մարդկանց համար

Գինեկոլոգ Դենիս Բաննին ասել է, որ շոգեբաղնիքը բարենպաստ ազդեցություն է ունենում օրգանիզմի վրա, սակայն որոշ մարդիկ պետք է զգուշությամբ մոտենան դրան։ Shantnews-ի փոխանցմամբ՝ փորձագետի խոսքերը մեջբերում է «Известия»-ն։

Բաննին զգուշացրել է, որ շոգեբաղնիքը հակացուցված է սուր փուլում գտնվող քրոնիկական հիվանդություններով մարդկանց։ Պետք է նաև ձեռնպահ մնաք այնտեղ այցելելուց, եթե ունեք հիպերտոնիա կամ միզաքարային հիվանդություն, քանի որ շոգը կարող է առաջացնել քարերի տեղահաշարժ: Բժիշկը քաղցկեղով հիվանդների համար ևս վտանգավոր է անվանել շոգեբաղնիքն ու ցանկացած այլ ջերմային պրոցեդուրա։

Երակների վարիկոզ լայնացում ունեցող մարդիկ պետք է զգուշությամբ այցելեն շոգեբաղնիք. շոգը մեծացնում է արյան հոսքը դեպի ոտքեր, ինչը հրահրում է հիվանդության սրացում: Բացի այդ, հակացուցումներ են համարվում հղիությունը, սրտի անբավարարությունը, վարակիչ հիվանդությունները, էպիլեպսիան։