Գվարդիոլայի թիմը երբեք այսքան վատը չի եղել. Ֆերդինանդը՝ Մանչեսթեր Սիթիի մասին

«Մանչեսթեր Յունայթեդի» նախկին պաշտպան, այժմ ֆուտբոլային փորձագետ Ռիո Ֆերդինանդը խոսել է «Մանչեսթեր Սիթիի» վերջին վատ արդյունքների մասին։ Նախօրեին «Սիթին» Չեմպիոնների լիգայի ընդհանուր փուլի 6-րդ տուրի խաղում պարտվել է «Յուվենտուսին»։

«Նրանք հիանալի թիմ են, որոնք չորս անգամ անընդմեջ հաղթել են Պրեմիեր լիգան: Նրանք մեծ հաջողության պատմություն ունեն։ Բայց մենք երբեք չենք տեսել, որ Պեպ Գվարդիոլայի թիմն այսքան վատ տեսք ունենա: Մարզիչը պետք է միջոց գտնի այս թիմին աշխուժացնելու, նրանց ֆիզիկական վիճակի և վստահության վերադարձի համար»,- Armsport-ի փոխանցմամբ՝ Ֆերդինանդի խոսքերն է մեջբերում BBC-ն։

«Յուվենտուս»-«Մանչեսթեր Սիթի» հանդիպումը կայացել է նախօրեին՝ դեկտեմբերի 11-ին։ Խաղը կայացել է Թուրինի (Իտալիա) «Ալիանց» մարզադաշտում։ Հանդիպումն ավարտվել է թուրինցիների՝ 2։0 հաշվով հաղթանակով:

Այս պահին իտալական «Յուվենտուսը» ՈՒԵՖԱ-ի Չեմպիոնների լիգայի ընդհանուր փուլի մրցաշարային աղյուսակի 14-րդ տեղում է։ Թիմը վեց խաղում վաստակել է 11 միավոր։ Անգլիական «Մանչեսթեր Սիթին» վաստակել է ութ միավոր և զբաղեցնում է 22-րդ տեղը։