Զախարյանը վերսկսել է մարզումները Ռեալ Սոսյեդադի ընդհանուր խմբում

«Ռեալ Սոսյեդադի» հարձակվողական ոճի կիսապաշտպան Արսեն Զախարյանը Կիևի «Դինամոյի» հետ Եվրոպայի լիգայի ընդհանուր փուլի 6-րդ տուրի խաղից առաջ սկսել է մարզվել ընդհանուր խմբում։

Իսպանական ակումբն այսօր սոցցանցերում տեսանյութ է հրապարակել, որտեղ 21-ամյա ֆուտբոլիստը մտնում է մարզադաշտ ու աշխատում թիմակիցների հետ։

2024/25 մրցաշրջանում Զախարյանը ոչ մի հանդիպում չի անցկացրել՝ ամռանը ստացած վնասվածքի պատճառով։

Ընդհանուր առմամբ Արսենն անցկացրել է 40 հանդիպում, որոնցում խփել է մեկ գոլ և կատարել երկու գոլային փոխանցում։

«Ռեալ Սոսյեդադ»-«Դինամո Կիև» հանդիպումը կկայանա Սան Սեբաստիանում դեկտեմբերի 12-ին, փոխանցում է Armsport-ը։