Մբապեն արձագանքել է Ռեալի՝ ընթացիկ մրցաշրջանում ցուցադրած խաղին

Մադրիդի «Ռեալի» հարձակվող Կիլիան Մբապեն մեկնաբանել է թիմի արդյունքներն ընթացիկ մրցաշրջանում:

«Մրցաշրջանի մեկնարկը լավագույնը չէր, բայց մենք պատրաստվում ենք պայքարել տիտղոսների համար, և սա ամենակարևորն է։ Մեկնարկն այն չէր, ինչ մենք սպասում էինք, բայց «Ռեալում» քեզ գնահատում են ամբողջ մրցաշրջանից հետո, ոչ միայն առաջին կեսից»,- ասել է Մբապեն Canal+-ին տված հարցազրույցում։

Հիշեցնենք, որ այս մրցաշրջանում Մբապեն «Ռեալի» կազմում բոլոր մրցաշարերում անցկացրել է 21 հանդիպում, որոնցում դարձել է 11 գոլի և 2 գոլային փոխանցման հեղինակ։

Ֆուտբոլիստի ներկայիս աշխատանքային պայմանագիրն ակումբի հետ ուժի մեջ է մինչև 2029 թվականի ամառը, փոխանցում է Armsport-ը։