Պետք է հաղթենք․ Մբապեն լավատեսորեն է տրամադրված

Մադրիդի «Ռեալի» հարձակվող Կիլիան Մբապեն պատմել է, թե ինչ ակնկալիքներ ունի Չեմպիոնների լիգայի «Ատալանտայի» դեմ կայանալիք առաջիկա հանդիպումից։

Բերգամոյի թիմը կընդունի «արքայական ակումբին» սեփական դաշտում՝ երեքշաբթի։ Խաղը կմեկնարկի Երևանի ժամանակով 00:00-ին։

«Չեմպիոնների լիգայում միշտ բախվում ես ուժեղ մրցակիցների։ Մենք պետք է հաղթենք, քանի որ պարտվել ենք վերջին խաղում։ Մենք պատրաստ ենք պայքարել և հաղթել», – նշել է Մբապեն «Ժիրոնայի» նկատմամբ Լա Լիգայում տարած հաղթանակից հետո (3:0) տված հարցազրույցում։

«Ռեալը» զբաղեցնում է 24-րդ տեղը Չեմպիոնների լիգայի ընդհանուր փուլի աղյուսակում՝ հինգ տուրից հետո վեց միավորով։ «Ատալանտան» հինգերորդն է՝ 11 միավորով, փոխանցում է Armsport-ը։