Որո՞նք էին 2013-ի ամենաքննարկված թեմաները
Ոչինչ ավելի հին չէ, որքան երեկվա նորությունը, սակայն արի ու տես, որ կան թեմաներ, որոնք շարունակաբար քննարկվում են, քննարկվում և չեն հնանում: Այսպիսի թեմաներ են դառնում հայտնիների անձնական կյանքն ու նրանց հետնաբեմյան հարաբերությունները:
ESem.am-ն առանձնացրել է 2013-ին ամենաշատ քննարկված թեմաների թոփ 5-ը՝ հաշվի առնելով նյութերի դիտումների, լայքերի և մեկնաբանությունների քանակը, ինչպես նաև դրանց քննարկման ժամկետները: Ինչ խոսք, տարվա ընթացքում շատ թեմաներ կային, որոնք ակտիվորեն քննարկվում էին, սակայն դրանց զգալի մասը մի քանի օրից ավելի «կյանք» չէր ունենում: Մենք առանձնացրել ենք այն թեմաները, որ քննարկվում էին շաբաթներ, որոշ դեպքերում՝ ամիսներ շարունակ:
Ընթացիկ տարում հարսանիքներ շատ եղան: Ինչպես հայտնիների անձնական կյանքին վերաբերող ցանկացած հրապարակում, դրանք ևս լայն քննարկման արժանացան, սակայն երգիչ Մարտին Մկրտչյանի և երգչուհի Հռիփսիմե Հակոբյանի հարսանիքը քննարկվեց ամենաշատն ու ամենաերկարը: Պատճառներից մեկը թերևս այն էր, որ թեև որևէ մեկի համար գաղտնիք չէր, որ զույգը միասին է, նրանք միայն հարսանիքի ժամանակ խոսեցին իրենց հարաբերությունների մասին: Զույգի հարսանեկան ցանկացած նոր լուսանկար աժիոտաժ էր առաջացնում անգամ նրանց հարսանիքից ամիսներ անց:
Հեռուստադիտողները հաճախ են սերիալային հերոսներին վերագրում իրական սիրավեպեր, սակայն այս մեկն աննախադեպ էր թե՛ իր քննարկաման ծավալով, թե՛ երկրպագուների համառությամբ: Տևական ժամանակ երկրպագուները համառորեն պնդում էին, որ «Դժվար ապրուստ» հեռուստասերիալի գլխավոր հերոսներ Միհրան Ծառուկյանն ու Շուշաննա Թովմասյանը իրականում սիրավեպ ունեն: Երբ նրանք հերքում էին այս լուրերը, երկրպագուները մեկնաբանությունների բաժնում գրում էին, որ Միհրանն ու Շուշաննան պարզապես չեն ցանկանում, որ իրենց երջանկությանն «աչքով տան»: Մեր լրատվամիջոցն էլ բազմաթիվ զանգեր և նամակներ է ստացել, որոնցում ընթերցողները խնդրում էին գաղտնազերծել նրանց սիրավեպը: Այս թեման չէր դադարում քննարկվել ամիսներ շարունակ: Միայն տարեվերջին երկրպագուները, կարծես թե, սկսեցին հավատալ, որ Միհրանն ու Շուշաննան միայն գործընկերներ են եղել: Այնուամենայնիվ, նրանք շարունակում էին փաստել, որ երգիչն ու դերասանուհիին գեղեցիկ զույգ կլինեին:
Շարունակությունը՝ այստեղ: