Հայ հրաձիգների արդյունքները Լեհաստանում անցկացված միջազգային մրցաշարում

Լեհաստանի Բիալիստոկ քաղաքում նոյեմբերի 27-ից դեկտեմբերի 1-ը կայացել է «Polish Open Kaliber» միջազգային մրցաշարը։

Հայաստանի հրաձգության հավաքականից մրցմանը մասնակցել են Էլմիրա Կարապետյանը և Նորայր Առաքելյանը։

Տարվա վերջին ստուգատեսի 10մ օդամղիչ ատրճանակ մրցաձևի կանանց պայքարում Կարապետյանը նվաճել է փոխչեմպիոնի տիտղոսը, իսկ Առաքելյանը զբաղեցրել է 10-րդ տեղը:

10 մ օդամղիչ ատրճանակ միքսում Կարապետյանն ու Առաքելյանը գրավել են 8-րդ տեղը, փոխանցում է Armsport-ը։