Կողմերը քննարկել են ենթակառուցվածքներին, ֆինանսներին և հյուրընկալմանն առընչվող հարցերի լայն շրջանակ

Նոյեմբեր ամսին Կոլումբիայի Կալի քաղաքում կայացած Կենսաբազմազանության մասին կողմերի հանդիպմանն Հայաստանի Հանրապետությունն ընտրվեց որպես կողմերի հաջորդ համաժողովը` COP17 -ը հյուրընկալող երկիր, հայտնում է ՀՀ շրջակա միջավայրի նախարարությունը։

Սաուդյան Արաբիայում ընթացող ՄԱԿ-ի «Անապատացման դեմ պայքարի» կոնվենցիայի Կողմերի 16-րդ համաժողովի շրջանակում ՀՀ շրջակա միջավայրի նախարար Հակոբ Սիմիդյանի գլխավորած պատվիրակությունը առիթ է ունեցել հանդիպել կոնվենցիայի գործադիր քարտուղար տիկին Աստրիդ Շումեյքերին և քննարկել բնապահպանական խոշորագույն միջոցառման կազմակերպման վերաբերյալ հարցեր:

Նախարարը տիկին Շումեյքերին տեղեկացրել է, որ Հայաստանի Հանրապետությունը ամենայն պատասխանատվությամբ է մոտենում միջոցառման հյուրընկալությանը և որ վարչապետի որոշմամբ արդեն իսկ ստեղծվել է համաժողովի կազմակերպման և անցկացման կոմիտե, որը գլխավորում է վարչապետի գլխավոր խորհրդական Համբարձում Մաթևոսյանը:

Իր հերթին տիկին Շումեյքերը շնորհավորել է Հայաստանին հաղթանակի առթիվ և նշել, քարտուղարությունը պատրաստակամ է աջակցել երկրին կազմակերպչական հարցերում:

Համբարձում Մաթևոսյանը ներկայացրել է միջգերատեսչական աշխատանքային խմբի կողմից արդեն իսկ իրականացված աշխատանքները` խոսելով COP17-ի կազմակերպման երկրի տեսլականից, գույքագրված ռեսուրսներից և առկա մարտահրավերներից:

Մաթևոսյանը նաև տեղեկացրել է, որ բացի կոմիտեից, աշխատսնքների կազմակերպմանը կներգրավվի նաև ավելի լայն բնապահպանական հանրություն:

Կողմերը քննարկել են ենթակառուցվածքներին, ֆինանսներին և հյուրընկալմանն առընչվող հարցերի լայն շրջանակ:

Պայմանավերվել են սերտորեն համագործակցել մինչև գնահատող առաքելության Հայաստան այցը: