51 քաղաքացի վճարել է 15 մլն դրամ և ազատվել պարտադիր զինվորական ծառայությունից

Նկարում պատկերված է, թե ինչ տեսք ունի 2.3 միլիոն ԱՄՆ դոլարը իրական կյանքում։ Ճիշտ այսքան գումար մուտքագրվել է ՀՀ պետական բյուջե իմ հեղինակած օրենքի կիրառման արդյունքում` 8 ամսվա ընթացքում։ Այդ մասին ասված է ԱԺ ՔՊ խմբակցության պատգամավոր Հայկ Սարգսյանի Ֆեյսբուքի էջում:

«27 տարին լրացած՝

* 51 քաղաքացի վճարել է 15 մլն դրամ և ազատվել պարտադիր զինվորական ծառայությունից, ու քրեական գործը կարճվել է (765 մլն դրամ).
* 12 քաղաքացի վճարել է 8 մլն դրամ և ծառայել է 1 ամիս (96 մլն դրամ).
* 1 քաղաքացի վճարել է 2,5 մլն դրամ և զորակոչվել է 1 տարվա ծառայության.
* 1 քաղաքացի զորակոչվել է 24 ամիս ժամկետով պարտադիր զինվորական ծառայության.
* 10 անձ ՀՀ քաղաքացիություն ստանալու հիման վրա վճարել է 2,5 մլն դրամ և ազատվել է պարտադիր զինվորական ծառայությունից (25 մլն դրամ):

Բացի այն օգուտից, որը ստացել ենք գումարի տեսքով, շատ կարևոր է, որ Հայաստան են վերադարձել 65 քաղաքացիներ, ովքեր երկար տարիներ չէին կարողանում վերադառնալ, և եթե չլիներ այս հնարավորությունը, հնարավոր է՝ երբեք չվերադառնային հայրենիք։

Ունենք +65 պահեստազորային, որոնց ՊՆ-ն կարող է օգտագործել 25-օրյա հավաքների կամ այլ կարիքների համար։

Եթե ցանկանում եք օգտվել օրենքից և կամ ունեք հարցեր, գրեք մեկնաբանությունում կամ անձնական նամակով»,- նշված է գրառման մեջ։