Ոչ ոք չի կարող ինձ ասել, թե ինչպես կատարել փոփոխություններ․ Անչելոտի

Մադրիդի «Ռեալի» գլխավոր մարզիչ Կառլո Անչելոտին պատասխանել է այն հարցին, թե արդյոք նրան չարժե ավելի շուտ կատարել փոփոխություններ խաղերում, քան սովորաբար:

«Ես լսում եմ բազմաթիվ խորհուրդներ, բայց ես անցկացրել եմ 1300 խաղ, կազմել եմ 1300 կազմ և կատարել եմ գրեթե 4000 փոփոխություն: Ոչ ոք ինձ չի կարող այս հարցում խորհուրդ տալ», — մեջբերում է Անչելոտիի խոսքերը AS-ը:

Վաղը՝ նոյեմբերի 27-ին, «Արքայական ակումբը» Չեմպիոնների լիգայի ընդհանուր փուլի 5-րդ տուրի խաղում կհանդիպի «Լիվերպուլին»: Խաղը կանցկացվի Լիվերպուլի «Էնֆիլդ» մարզադաշտում: Հանդիպման գլխավոր մրցավարն է Ֆրանսուա Լետեքսիեն, փոխանցում է Armsport-ը։