Կոնտեն պատմել է՝ ինչ է ասել ֆուտբոլիստներին Ռոմայի հետ հանդիպումից առաջ

«Նապոլիի» գլխավոր մարզիչ Անտոնիո Կոնտեն ամփոփել է «Ռոմայի» հետ հանդիպման արդյունքները (1-0)։

«Նապոլիին» հաղթանակ բերեց հանդիպման 54-րդ րոպեին խփած Ռոմելու Լուկակուի գոլը։ Հաղթանակը թիմին թույլ տվեց 13 տուրից հետո պահպանել Ա Սերիայի մրցաշարային աղյուսակի առաջին տեղը:

«Հանդիպումից առաջ ես տղաներին ասացի, որ չնայեն մրցաշարային աղյուսակին և կենտրոնանան իրենց վրա: Մենք հիմա էլ պետք է հավատարիմ մնանք նույն մոտեցմանը, քանի որ դեռ անելիքներ ունենք։

Ես գոհ էի մեր խաղից 65 րոպե. մենք կարող էինք ավելի շատ հնարավորություններ իրացնել «Ռոմայի» դեմ խաղում»,- Armsport-ի փոխանցմամբ՝ ասել է Կոնտեն Sky Sport-ին տված հարցազրույցում: