Ես երջանիկ եմ, քանի որ այսօր իրականացրեցի իմ երազանքը. Վալվերդե

Ֆեդերիկո Վալվերդեն խոսել է Մադրիդի «Ռեալի»՝ «Լեգանեսի» նկատմամբ տարած հաղթանակի մասին (3-0).

— Ի՞նչ կարծիքի եք այս հանդիպման մասին:

— Ես առաջին հերթին մտածում եմ հաղթանակի մասին։ Գլխավորը շարունակել երեք միավոր վաստակելն ու «Բարսելոնային» մոտենալն է։ Ես երջանիկ եմ, քանի որ այսօր իրականացրեցի իմ երազանքը՝ դառնալ նման մեծ ակումբի ավագ։ Կինս ինձ հետ էր, բայց ես շատ կուզենայի, որ ծնողներս էլ այստեղ լինեին։ Ես շատ ուրախ եմ, գոհ և հպարտ, որ կարող եմ ներկայացնել «Ռեալը» այս կարգավիճակով։

— Որքանո՞վ է առանձնահատուկ այս օրը:

— Շատ յուրահատուկ: Ես շնորհակալ եմ բոլոր ավագներին, ովքեր այս ակումբում էին։

— Անչելոտին ասաց, որ դու երրորդ լավագույն աջ պաշտպանն ես: Ինչպե՞ս եք վերաբերվում այս ամենին:

— Լավ, մեծ վստահությամբ: Եթե ​​դռները բացվում են ձեր առաջ, դուք պետք է ամեն ինչ ճիշտ անեք: Յուրաքանչյուր հանդիպմանը փորձում եմ ցույց տալ լավագույն որակները, ինչ կարող եմ և հետևել, թե ինչ են անում Կարվախալն ու Վասկեսն այս դիրքում,- Armsport-ի փոխանցմամբ՝ մեջբերում է Մադրիդի «Ռեալի» կիսապաշտպանին As-ը։