Նադալի հորեղբայրը դժգոհ էմնացել թենիսիստի կարիերայի ավարտին նվիրված միջոցառումից

«Մեծ սաղավարտի» 22-ակի չեմպիոն Ռաֆայել Նադալի հորեղբայր և նախկին մարզիչ Տոնի Նադալը գնահատել է իսպանացի թենիսիստի կարիերայի ավարտին նվիրված արարողությունը։

«Դա զգացմունքային էր՝ հանրության աջակցությամբ: Բայց ես կցանկանայի տեսնել Ռաֆայելի Դևիսի գավաթը Սևիլիայում, Ռաֆայելի՝ Մադրիդի, Ռոլան Գարոսի կամ Ուիմբլդոնի մրցաշարերի լուսանկարները, քանի որ դա ավելի շատ էմոցիաներ է առաջացնում: Ես չեմ պատրաստվում որեւէ մեկին քննադատել. Ես այլ բան կուզենայի։ Ես շնորհակալ եմ որպես ընտանիքի անդամ և որպես Ռաֆայելի նախկին մարզիչ մանրամասների և բարի մտադրությունների համար։ Բայց ես ավելին կցանկանայի։ Մեր օրերում դուք կարող եք ավելի զգացմունքային արարողություններ ստեղծել՝ միախառնելով երաժշտությունը պատկերների հետ: Ռաֆայելը խաղացող է, ում լուսանկարները փոխանցում են կիրք և զգացմունքներ: Եթե ​​նրանք դա անեին, ես երջանիկ կլինեի»,- Տոնի Նադալի խոսքերն է մեջբերում Punto de Break-ը:

Դեռևս հոկտեմբերի 10-ին Ռաֆայել Նադալը հայտարարել էր, որ 2024 թվականի Դևիսի գավաթի եզրափակիչ փուլի հանդիպումներից հետո կհեռանա սպորտից։ Իր կարիերայի վերջին խաղում իսպանացին 4։6, 4:6 հաշվով պարտվեց Բոտիկ վան դե Զանդշուլպին Դեւիսի գավաթի քառորդ եզրափակիչում, փոխանցում է Armsport-ը։