Ռաֆինյան աշխարհի լավագույն խաղացողներից մեկն է և հպարտություն բոլոր բրազիլացիների համար. Ռոմարիո

Բրազիլիայի և «Բարսելոնայի» նախկին հարձակվող Ռոմարիոն խոսել է կատալոնացիների հարձակվողական ոճի կիսապաշտպան Ռաֆինյայի մասին.

«Ռաֆինյան աշխարհի լավագույն խաղացողներից մեկն է. Նա շատ լավ է խաղում «Բարսելոնայի» և նաև Բրազիլիայի մարզաշապիկով: Ռաֆինյան հպարտություն է բոլոր բրազիլացիների համար, նա դեռ մեզ յուրահատուկ բաներ կտա ֆուտբոլում»,- Ռոմարիոյի խոսքերը մեջբերում է Barca Universal-ը X սոցիալական ցանցում (նախկինում՝ Twitter):

Բրազիլացի ֆուտբոլիստը «Բարսելոնա» է տեղափոխվել «Լիդսից» 2022 թվականի ամռանը։ Այս ընթացքում նա բոլոր մրցաշարերում մասնակցել է 104 հանդիպման, որոնցում դարձել է 32 գոլի և 35 գոլային փոխանցման հեղինակ։ Ֆուտբոլիստի գործող աշխատանքային պայմանագիրն ակումբի հետ նախատեսված է մինչև 2027 թվականի ամառը: Transfermarkt պորտալում ներկայացված տեղեկատվության համաձայն՝ ֆուտբոլիստի շուկայական արժեքը կազմում է 60 միլիոն եվրո, փոխանցում է Armsport-ը։