Անգլիական գրանդը պատրաստ է մոտ 100 միլիոն եվրո վճարել Բարսելոնայի խաղացողի համար

Լոնդոնի «Արսենալը» շարունակում է տարբերակներ փնտրել թիմի հարձակման գիծն ուժեղացնելու ուղղությամբ։ «Զինագործների» ուշադրության կենտրոնում է հայտնվել «Բարսելոնայի» բրազիլացի հարձակվող Ռաֆինյան, հայտնում է Fichajes-ը։

Աղբյուրի տեղեկություններով՝ լոնդոնյան ակումբը լրջորեն դիտարկում է 27-ամյա բրազիլացու ձեռքբերման տարբերակը։ Նշվում է, որ անգլիական ակումբը պատրաստ է ֆուտբոլիստի համար վճարել 90 միլիոն եվրո։

Միևնույն ժամանակ, «կապտանռնագույնների» գլխավոր մարզիչ Հանս-Դիտեր Ֆլիկը չի ցանկանում կորցնել իր առաջատարներից մեկին:

Նշենք, որ Ռաֆինյան կարող է դառնալ «Արսենալի» պատմության երկրորդ ամենաթանկարժեք տրանսֆերը Դեկլան Ռայսից հետո, ում համար «Վեսթ Հեմը» սստացել է 116,60 միլիոն եվրո։

27-ամյա խաղացողը ընթացիկ մրցաշրջանում կատալոնական ակումբի կազմում մասնակցել է 17 հանդիպման՝ դառնալով 12 գոլի և 10 գոլային փոխանցման հեղինակ, փոխանցում է Armsport-ը։