Կվարացխելիան Բարսելոնայո՞ւմ. վրացի ֆուտբոլիստի հետ բանակցություններ են ընթանում

«Նապոլիի» վինգեր Խվիչա Կվարացխելիան կարող է հեռանալ նեապոլիտանական թիմից։

Ինչպես հաղորդում է La Gazzetta dello Sport-ը, ֆուտբոլիստի նկատմամբ լուրջ հետաքրքրություն է ցուցաբերում «Բարսելոնան»: Նշվում է, որ «բլաուգրանայի» ներկայացուցիչներն արդեն կապ են հաստատել 23-ամյա խաղացողի հետ՝ հնարավոր տրանսֆերը քննարկելու համար:

Այս մրցաշրջանում Կվարացխելիան բոլոր մրցաշարերում մասնակցել է 12 հանդիպման, որոնցում դարձել է հինգ գոլի և երկու գոլային փոխանցման հեղինակ։ Ֆուտբոլիստի գործող աշխատանքային պայմանագիրն ակումբի հետ նախատեսված է մինչև 2027 թվականի ամառը: Transfermarkt պորտալում ներկայացված տեղեկատվության համաձայն՝ ֆուտբոլիստի շուկայական արժեքը կազմում է 80 միլիոն եվրո, փոխանցում է Armsport-ը։