Ռեալի մարզաբազան կվերանվանվի Ֆլորենտինո Պերեսի անունով

Մադրիդի «Ռեալի» մարզաբազան կվերանվանվի Ֆլորենտինո Պերեսի անունով։ Հիշեցնենք, որ նախորդ տարվա ամռանը «Ռեալի» մի քանի ֆան ակումբների ղեկավարներ հանդես եկան Վալդեբեբասի անվանափոխության նախաձեռնությամբ՝ ի պատիվ ակումբի նախագահի, որից հետո առաջարկը քննարկվեց «Ռեալի» գլխավոր ասամբլեայի կողմից։

As-ի փոխանցմամբ՝ մադրիդյան ակումբի ներկայացուցիչները պաշտպանել են մարզաբազան վերանվանելու գաղափարը։

Այնուամենայնիվ, քվեարկությունից հետո Պերեսը պնդել է, որ նոր անունը մարզաբազային տրվի միայն իր թույլտվությունից հետո, քանի որ այն ժամանակ նա «հոգեբանորեն պատրաստ չէր», որ «Ռեալ Մադրիդ» ակումբի մարզաբազան իր անունով կոչվեր։

Մադրիդի քաղաքային խորհրդի կայքում տեղադրված քարտեզի վրա Մադրիդի «Ռեալի» մարզաբազան նոր անվանում է ստացել։ Մադրիդի «Ռեալի» պաշտոնական կայքում և Google-ի ծառայություններում ակումբային մարզաբազայի անվանումը մնում է նույնը, փոխանցում է Armsport-ը։