Բարսելոնան ցանկանում է պայմանագիր կնքել 17-ամյա նորահայտ աստղի հետ

«Մալագայի» երիտասարդ ձախ եզրային հարձակվող Անտոնիո Կորդերոն կարող է կարիերան շարունակել «Բարսելոնայում»: Armsport-ի փոխանցմամբ՝ այս մասին հայտնում է Relevo-ն։

Աղբյուրի համաձայն՝ 17-ամյա իսպանացու նկատմամբ հետաքրքրություն է ցուցաբերում «Բարսելոնան», պատանու գործող պայմանագրի ժամկետը «Մալագայի» հետ նախատեսված է մինչև 2025 թվականի կեսերը։

Ընթացիկ մրցաշրջանում Կորդերոն Իսպանիայի երկրորդ դիվիզիոնում մասնակցել է 12 խաղի՝ դառնալով 3 գոլի և 3 գոլային փոխանցման հեղինակ։

Transfermarkt-ը երիտասարդ իսպանացու տրանսֆերային արժեքը գնահատում է 2 միլիոն եվրո։