Գվարդիոլան անհավանական հակառեկորդ է սահմանել մարզչական կարիերայում

Անգլիայի Պրեմիեր լիգայի 11-րդ տուրում «Մանչեսթեր Սիթին» պարտվել է «Բրայթոնին»՝ կրելով չորրորդ անընդմեջ պարտությունը բոլոր մրցաշարերում։ Նախկինում «քաղաքայինները» պարտվել էին պորտուգալական «Սպորտինգին» (1:4) Չեմպիոնների լիգայում, «Բորնմութին» (1:2) Անգլիայի առաջնությունում և «Տոտենհեմին» (1:2) Անգլիայի լիգայի գավաթում։

Նշենք՝ անգլիական թիմի իսպանացի գլխավոր մարզիչ Խոսեպ Գվարդիոլան մարզչական կարիերայի ընթացքում առաջին անգամ է իր թիմի հետ 4 անընդմեջ խաղում պարտություն կրել:

«Մանչեսթեր Սիթին» Անգլիայի Պրեմիեր լիգայի 2024/2025 մրցաշրջանի մրցաշարային աղյուսակի երկրորդ տեղում է։ Թիմը 11 խաղում վաստակել է 23 միավոր։ Առաջին տեղում «Լիվերպուլն» է (25), փոխանցում է Armsport-ը։