Առաջին կեսում երեք վնասվածքը շատ տարօրինակ է. Անչելոտի

Մադրիդի «Ռեալի» գլխավոր մարզիչ Կառլո Անչելոտին ամփոփել է Լա լիգայի 13-րդ տուրի «Օսասունայի» հետ հանդիպման արդյունքները (4:0):

«Առաջին խաղակեսում երեք վնասվածքը բավականին տարօրինակ բան է: Օրացույցի պահանջները խաղացողներին թույլ չեն տալիս հանգստանալ և թարմ լինել։

Հանդիպումը լավ ստացվեց: Մենք առանց շտապելու վերահսկում էինք խաղը։ Խնդիրը երեք վնասվածքն է. ողջ հանդիպման ընթացքում մենք խաղում էինք զգույշ, առանց ռիսկի դիմելու և նվիրվածությամբ»,- ասել է Անչելոտին։

Հանդիպման ընթացքում «Ռեալը» կորցրել է Ռոդրիգոյին, Լուկաս Վասկեսին և Էդեր Միլիտաոյին։ Վերջինս պատռել է ծնկի խաչաձև կապանները, փոխանցում է Armsport-ը։