Բելինգհեմը կես տարվա դադարից հետո գոլ է խփել Ռեալի կազմում

Մադրիդի «Ռեալի» հարձակվողական ոճի կիսապաշտպան Ջուդ Բելինգհեմը մադրիդյան ակումբի կազմում գոլ է խփել 179 օրվա ընթացքում առաջին անգամ։ Ֆուտբոլիստը գոլի հեղինակ է դարձել «Օսասունայի» հետ Լա լիգայի 13-րդ տուրի խաղում։

Անգլիացի կիսապաշտպանը խաղադաշտ է մտել իր թիմի մեկնարկային կազմում ու 42-րդ րոպեին գրավել մրցակցի դարպասը։ Նա 34-րդ րոպեին դարձել է նաև գոլային փոխանցման հեղինակ։

Այսօրվա հանդիպումից առաջ Ջուդ Բելինգհեմը 12 խաղում երեք գոլային փոխանցում էր կատարել։

Մադրիդցիները 4:0 հաշվով վստահ հաղթանակ են տարել, փոխանցում է Armsport-ը։