Ղազախստանում տեղի կունենա Սիրիայի շուրջ Աստանայի ձևաչափով հանդիպում

Սիրիայի շուրջ Աստանայի ձևաչափով հաջորդ հանդիպումը Ղազախստանի մայրաքաղաքում կկայանա նոյեմբերի 11-12-ը։ «Արմենպրես»-ի փոխանցմամբ՝ այս մասին հաղորդում է ՏԱՍՍ-ը՝ վկայակոչելով Ղազախստանի արտաքին գործերի նախարարությունը։

Գերատեսչության տվյալներով՝ հանդիպման առաջին օրը տեղի կունենան պատվիրակությունների երկկողմ և եռակողմ խորհրդակցություններ, հաջորդ օրը դրանք կշարունակվեն: Նոյեմբերի 12-ին կկայանան լիագումար նիստ և ամփոփիչ մամուլի ասուլիս։

«Հանդիպման օրակարգում ներառված են հետևյալ հարցերը՝ Սիրիայի շուրջ տարածաշրջանային իրադրության զարգացումը, համալիր կարգավորման ջանքերը, իրադրությունը Սիրիայում «գետնի վրա», վստահության միջոցները, այդ թվում՝ պատանդների ազատումը և անհետ կորածների որոնումը», - ասված է նախարարության հաղորդագրության մեջ։

Սիրիայում զինված հակամարտությունը շարունակվում է 2011 թվականից, 2017 թվականից Աստանայում անցկացվում են բանակցություններ, որոնք հայտնի են որպես Աստանայի ձևաչափ. դրանց մասնակցում են Ռուսաստանը, Իրանը, Թուրքիան՝ որպես սիրիական ճգնաժամի կարգավորման գործընթացի երաշխավոր երկրներ, ինչպես նաև Սիրիայի կառավարության և ընդդիմության ներկայացուցիչները, ՄԱԿ-ը և դիտորդ երկրները՝ Հորդանանը, Լիբանանը և Իրաքը։ 2024 թվականին հանդիպումը դառնա թվով 22-րդը: