Ինչ պետք է իմանալ ավտոտրանսպորտային միջոցները ժամանակավոր ներմուծելիս

Պետական եկամուտների կոմիտեն տեղեկացնում է ֆիզիկական անձանց կողմից ՀՀ անձնական օգտագործման ավտոտրանսպորտային միջոցների ժամանակվոր ներմուծման դեպքում գործող կարգավորումների մասին։ Այսպես, կախված տրանսպորտային միջոցի գրանցման երկրից, անձնական օգտագործման տրանսպորտային միջոցը մաքսային սահմանով տեղափոխող անձի` ԵԱՏՄ կամ օտարերկրյա անձ լինելու հանգամանքից, անձնական օգտագործման տրանսպորտային միջոցների ժամանակավոր ներմուծմանը վերաբերող կարգավորումները տարբեր են։

Օտարերկրյա պետությունում գրանցված անձնական օգտագործման տրանսպորտային միջոցը, ժամանակավոր ներմուծելիս պետք է պարտադիր լրացնել և մաքսային մարմնին ներկայացնել ուղևորային մաքսային հայտարարագիր։ Օտարեկրյա պետությունում գրանցված ավտոմեքենան կարող է ժամանակավոր ներմուծվել Հայաստան՝ ոչ ավելի, քան 1 տարի ժամկետով։ Ընդ որում, հայտարարագրման պահանջը վերաբերում է թե ԵԱՏՄ և, թե օտարերկրյա ֆիզիկական անձանց։ Եթե անձնական օգտագործման տրանսպորտային միջոցները գրանցված են ԵԱՏՄ անդամ այլ պետության տարածքում, ապա այդ տրանսպորտային միջոցները Հայաստան ներմուծելիս չեն հայտարարագրվում։

Կոմիտեն հիշեցնում է, որ ցանկացած տրանսպորտային միջոց՝ վարելու միջոցով Հայաստան տեղափոխելիս հարկավոր է կնքել ԱՊՊԱ պայմանագիր։ Իսկ առանց ԱՊՊԱ պայմանագրի վարելու համար սահմանված է տուգանք՝ 100 հազար դրամի չափով։

ՀՀ անձնական օգտագործման տրանսպորտային միջոցների ժամանակավոր ներմուծման կարգավորումների մասին ուղեցույն՝ այստեղ։