Եթե իմանայի՝ ինչ է կատարվում Թուրքիայում, երբեք չէի գա այստեղ. Մոուրինյու

«Ֆեներբահչեի» գլխավոր մարզիչ Ժոզե Մոուրինյուն Թուրքիայի Սուպերլիգայի 11-րդ տուրի՝ «Տրաբզոնսպորի» հետ խաղից հետո (3:2) քննադատել է առաջնության մրցավարությանը։

«Ես մեղադրում եմ «Ֆեներբահչեի» ղեկավարությանը, որոնք ինձ այստեղ բերեցին. նրանք ինձ պատմեցին այստեղ տիրող իրավիճակի միայն կեսը։

Եթե ​​նրանք ինձ ամբողջ պատմությունը պատմեին մրցավարական իրավիճակի մասին, ես այստեղ չէի գա։ Ես թուրք չեմ, իսկ դուք՝ թուրքեր, այս մրցավարական իրավիճակը այսպես մի թողեք»,- Armsport-ի փոխանցմամբ՝ Մոուրինյուի խոսքերն է մեջբերում Lewisbanche-ը։

Անցկացրած 11 հանդիպումներից հետո «Ֆեներբահչեն» 23 միավորով զբաղեցնում է Թուրքիայի առաջնության մրցաշարային աղյուսակի երկրորդ տեղը։ «Տրաբզոնսպորը» նույնքան խաղերից հետո 11-րդ տեղում է՝ վաստակելով 12 միավոր։