Լիվերպուլը մտադիր է կլորիկ գումար վճարել Ռեալի կիսապաշտպանի համար

«Լիվերպուլը» ցանկանում է ուժեղացնել կազմը առաջիկա ձմռանը, որպեսզի մեծացնի չեմպիոնությունը նվաճելու իր հնարավորությունները: Այս համատեքստում մերսիսայդցիները հետաքրքրություն են ցուցաբերում Մադրիդի «Ռեալի» հենակետային կիսապաշտպան Օրելիեն Չուամենիի նկատմամբ։ Armsport-ի փոխանցմամբ՝ այս մասին հայտնում է TEAMtalk-ը։

Աղբյուրի համաձայն՝ Արքայական ակումբը ֆրանսիացի ֆուտբոլիստին գնահատում է 100 միլիոն ֆունտ (119 միլիոն եվրո): Սակայն մերսիսայդցիները պատրաստ են լուրջ գումար վճարել կազմի նպատակային ուժեղացման համար։

Այս մրցաշրջանում Չուամենին բոլոր մրցաշարերում մասնակցել է 14 հանդիպման, որոնցում արդյունավետ չի եղել։ Ֆուտբոլիստի աշխատանքային պայմանագիրն ակումբի հետ նախատեսված է մինչև 2028 թվականի ամառ: Transfermarkt պորտալում ներկայացված տեղեկատվության համաձայն՝ ֆուտբոլիստի շուկայական արժեքը կազմում է 100 միլիոն եվրո: