Այդ ակումբը յուրահատուկ համ ու հոտ է հաղորդում ֆուտբոլին․ Գվարդիոլա

«Մանչեսթեր Սիթիի» գլխավոր մարզիչ Պեպ Գվարդիոլան խորհուրդներ է տվել «Բարսելոնային»։

«Իմ տեսանկյունից «Բարսելոնան» չպետք է փոխի իր խաղային մոդելը։ Արտաքինից բոլորը «Բարսելոնային» նայում են որպես այլ բանի: Այս ակումբը խարիզմա է ճառագում, յուրահատուկ համ ու հոտ է հաղորդում ֆուտբոլին»,- Գվարդիոլայի խոսքերն է մեջբերում Sport.es-ը՝ հղում անելով TV3-ին։

Ներկայումս «Բարսելոնան» 30 միավորով գլխավորում է Իսպանիայի առաջնության մրցաշարային աղյուսակը: Թիմը 6 միավորով գերազանցում է իր ամենամոտ հետապնդողին՝ Մադրիդի «Ռեալին»:

Հիշեցնենք, որ Գվարդիոլան «Բարսելոնան» գլխավորել է 2008-ից 2012 թվականներին, փոխանցում է  Armsport-ը։