Մելանոմա․ որքանո՞վ է վտանգավոր

Մելանոման գունակագոյացնող բջիջների (մելանոցիտներ) չարորակ նորագոյացություն է, որը բնորոշվում է այդ բջիջների անվերահսկելի աճով:

Մելանոման մաշկի չարորակ նորագոյացությունների մեջ կազմում է մինչև 5 %, սակայն մահացությամբ առաջին տեղում է, փոխանցում է Aysor.am-ը։

Մելոնոմայի ախտորոշման միջին տարիքը 63 տարեկանն է:

Մելանոմայի զարգացման ռիսկի հիմնական գործոններն են՝

խալերի փոփոխություն

գունակային քսերոդերմա,

ատիպիկ, դիսպլաստիկ նևուս,

ընտանեկան ծանրացած անամնեզ,

100 -ից ավել հասարակ նևուսների առկայություն,

նախկինում ունեցած մելանոմա կամ այլ մաշկի չարորակ նորագոյացություններ ( բազալ և տափակ բջջային քաղցկեղ)։

Հիմնականում արական սեռի մոտ՝

50-ից բարձր տարիք,

բնական և արհեստական ուլտրամանուշակագույն հավելուրդային ճառագայթներ,

մեծ բնածին նևուս ( մոտ. 20 սմ տրամագծով ),

իմունիտետի դեֆիցիտ,

լուսազգայունության I և II լուսատեսակի մաշկ,

բնակություն լեռնային գոտրիներում:

Մելանոմայի առաջացումը կանխարգելելու համար հարկավոր է

Խուսափել արևի ուղիղ ճառագայթներից և արհեստական լույսի աղբյուրներից։

Կիրառել լայն սպեկտրի արևապաշտպան միջոցներ ( ինչպես քսուքների, այնպես էլ հագուստի, ակնոցի տեսքով )։

Միշտ զննել մաշկը՝ հատկապես շատ խալերի առկայության և ընտանեկան ծանրաբեռնված անամնեզի դեպքում:

Որքան վաղ է ախտորոշվում մելանոման, այնքան բարենպաստ ելք է ունենում բուժումը։