Ոստիկանները փորձում են «Գոյ» թատրոնի դերասաններին թատրոնից դուրս հանել

«Այս պահին ոստիկանները բանակցում են տղաների հետ և փորձում են մեզ թատրոնից բռնի ուժով դուրս հանել։ Չեն սպասում գոնե տասը րոպե մինչև մեր փաստաբանը հասնի այստեղ։ Կողմնապահությունն ակնհայտ է»,- ֆեյսբուքյան ուղիղ հեռարձակմամբ ասաց «Գոյ» թատրոնի դերասանունի Լիլիթ Բադանյանը։

Այդ պահին «Գոյ» թատրոնի դերասան Աշոտ Տեր-Մաթևոսյանը ներս մտավ, վերցրեց հեռախոսն ու մոտեցավ ոստիկանին՝ ասելով․ « Պարոն կապիտան, ես հիմա Ձեզ տեղեկացնում եմ, որ մենք եթերում ենք» ։
«Դուք ներխուժել եք թատրոնի տարածք, խնդրում եմ՝ ազատել տարածքը»,- պատասխանեց ոստիկանը։
«Թող ոստիկանությունն էլ ֆիքսի, թե որպես ներխուժում են արձանագրում։ Ի՞նչն է խանգարում , որ չեք սպասում, որ մեր փաստաբանը գա»,- արձագանքեց դերասանը։