Արմավիրցի տղամարդը թմրանյութ և կանեփի բույսեր էր պահում

Ոստիկանության Արմավիրի բաժնում տեղեկություններ էին ստացվել, որ Արմավիր քաղաքի 72-ամյա բնակիչը հողամասում աճեցնում է կանեփ, իսկ օժանդակ շինություններում պահում է թմրամիջոց:

Իրացնելով օպերատիվ տեղեկությունը՝ ոստիկաններն այցելել են նշված հասցե:

72-ամյա տանտերը իրավապահներին ներկայացրել է 2 արկղ, որոնցից մեկում 26 գրամ կանեփանման չորացրած, մանրացրած զանգված էր, մյուսում՝ 51 գրամ կանեփի բույս։

Նա հայտնել է, որ արկղերից մեկում թմրանյութ է, պատրաստել է անձնական օգտագործման համար, իսկ կանեփի բույսը հետագայում թմրամիջոց պատրաստելու համար է:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: