Աղբյուր. Արսենալն ու Լիվերպուլը հետաքրքրված են Յամալով

«Արսենալը» և «Լիվերպուլը» հետաքրքրված են կատալոնական «Բարսելոնայի» 17-ամյա վինգեր Լամին Յամալի ծառայություններով։ Armsport-ի փոխանցմամբ՝ այս մասին հայտնում է TEAMtalk-ը՝ լրագրող Միգել Դելանիին հղում կատարելով:

Աղբյուրի համաձայն՝ կատալոնական ակումբը կարող է ստիպված լինել վաճառել իր ամենաթանկ ակտիվները ֆինանսական խնդիրների պատճառով: Ընդգծվում է, որ «բլաուգրանաները» կարող են մտածել նաև կիսապաշտպաններ Գավիի և Պեդրիի վաճառքի մասին։

Այս մրցաշրջանում Յամալը բոլոր մրցաշարերում մասնակցել է 13 հանդիպման, որոնցում դարձել է հինգ գոլի և 7 գոլային փոխանցման հեղինակ։ Ֆուտբոլիստի գործող աշխատանքային պայմանագիրն ակումբի հետ նախատեսված է մինչև 2026 թվականի ամառը: Transfermarkt պորտալում ներկայացված տեղեկատվության համաձայն՝ ֆուտբոլիստի շուկայական արժեքը կազմում է 150 միլիոն եվրո։