Նրանք հեռացան 2013-ին` հավերժ մնալով մեր սրտերում

Ժպիտ, սեր, անսահման հարգանք, ծափահարություններ և հանկարծ…Անգամ բառեր չի կարելի գտնել ափսոսանքի խոսքեր ասելու կամ կյանք ասված երևույթը բնութագրելու համար: 2013 թվականին մեր մշակութային բնագավառն ունեցավ անդառնալի կորուստներ: Կյանքից հեռացան անվանի և հարգված մարդիկ, ովքեր իրենց ներդրումն են ունեցել հայ մշակույթի զարգացման գործում և պարզապես առանձնացել են իրենց մարդկային արժեքներով: Սակայն, մեկ բան պարզ է. նրանք միշտ կմնան մեր հուշերում և կմտնեն մեր պատմության մեջ իրենց գործերով ու ապրած կյանքով:

2013 թվականի հունվարի 20-ին մահացել է «Բարի լույս հայեր» ծրագրի «Հեռուստախոհանոց» բաժնի հաղորդավարուհի Հասմիկ Գալոյանը: Վերջինս մահացել է վիրահատությունից հետո:

2013 թվականի մարտի 14-ին 77 տարեկան հասակում Երևանի թիվ 8 հիվանդանոցում երկարատև հիվանդությունից հետո մահացել է գրող, երգիծաբան, բանաստեղծ, հրապարակախոս Արամայիս Սահակյանը:

2013 թվականի մարտի 24-ին 31 տարեկան հասակում կյանքից հեռացավ «Արմենիա» հեռուստաընկերության եթերով հեռարձակվող Խաղից դուրս հեռուստասերիալի դերասան Արսեն Առաքելյանը:

2013 թվականի հուլիսի 31-ին, «Նաիրի» բժշկական կենտրոնում մահացավ հայտնի և սիրված շոումեն, «КВН»-ի առաջատար մասնակից, հաղորդավար Մարկ Սաղաթելյանը:

2013 թվականի օգոստոսի 2-ին «Նաիրի» բժշկական կենտրոնում 69 տարեկան հասակում մահացավ հայ թատրոնի ու կինոյի սիրված դերասան, ՀՀ ժողովրդական արտիստ Ազատ Գասպարյանը: Ազատ Գասպարյանը կինոյի և թատրոնի անվանի դերասան էր, ՀՀ ժողովրդական արտիստ, ՀԽՍՀ պետական մրցանակի դափնեկիր, Եվրոպայի բնական գիտությունների ակադեմիայի ակադեմիկոս:

2013 թվականի օգոստոսի 20-ին 46 տարեկան հասակում սրտի կաթվածից հանկարծամահ  եղավ տաղանդավոր և հրաշալի երգիչ  Արմեն Ադամյանը, ով առանձնանում էր իր ձայնային յուրահատուկ տվյալներով և բարձր կատարողական արվեստով: 

2013 թվականի սեպտեմբերի 2-ին 67 տարեկան հասակում մահացավ Գրողների միության նախագահ Լևոն Անանյանը: Նա տառապում էր քաղցկեղ հիվանդությամբ: Լևոն Անանյանը դասախոսում էր Երևանի պետական համալսարանի ժուռնալիստիկայի ֆակուլտետում, «Նոյեմբերյան» հասարակական կազմակերպության ղեկավարն էր 2002 թվականից։ Գրել, կազմել և խմբագրել էր բազմաթիվ գրքեր, հարյուրավոր հրապարակախոսական հոդվածներ, առաջաբաններ։

2013 թվականի սեպտեմբերի 2-ին կյանքից հեռացավ «Արևներ» մանկապատանեկան խմբի հիմնադիր և գեղարվեստական ղեկավար Արմեն Դիվանյանը: Արմեն Դիվանյանը ընդամենը մեկ շաբաթ առաջ էր դարձել 55 տարեկան: Մեծ է նրա ավանդը հայ մանուկների կրթման գործընթացքում:

2013 թվականի սեպտեմբերի 26-ին մահացավ անվանի դերասան, ՀՀ ժողովրդական արտիստ Սոս Սարգսյանը: Տաղանդավոր և սիրված դերասանը հոկտեմբերի 24-ին կդառնար 84 տարեկան:

2013 թվականի հեկտեմբերի 22-ին կյանքից հեռացավ լրագրող Գենոֆիա Մարտիրոսյանը: Մարտիրոսյանի բուժման համար դրամահավաք էր կազմակերպվել: Մարտիրոսյանը տեղափոխվել էր Գերմանիա' բուժման նպատակով:

2013 թվականի հոկտեմբերի 22-ին տեղի ունեցած ավտովթարի զոհ դարձավ Ստանիսլավսկու անվան ռուսական դրամատիկական թատրոնի դերասան, «Սպանված աղավնի» և «Քայլ ձիով» ֆիլմերում նկարահանված Երվանդ Ենգիբարյանը: Նախօրեին նրա ծննդյան օրն էր եղել:

2013 թվականի դեկտեմբերի 6-ին թե Արարատում տեղի ունեցած ավտովթարի հետևանքով մահացավ 22-ամյա դերասան Ջիվան Նիկոլյանը:

Նրանցից յուրաքանչուրի անունը կմնա մեր սերտերում:

 Գայանե Մելիքյան