Անձրև ու ամպրոպ. օդի ջերմաստիճանը կնվազի

Հոկտեմբերի 14-ի ցերեկը, 16-18-ը ժամանակ առ ժամանակ հանրապետության շրջանների զգալի մասում սպասվում է անձրև, առանձին հատվածներում՝ ամպրոպ։ Հոկտեմբերի 15-ին շրջանների մեծ մասում, 19-ի ցերեկը առանձին շրջաններում սպասվում է կարճատև անձրև։

Քամին՝ հյուսիսարևմտյան՝ 2-5 մ/վ, ամպրոպի ժամանակ սպասվում է քամու ուժգնացում՝ 16-20 մ/վ արագությամբ։

Օդի ջերմաստիճանը հոկտեմբերի 14-ի ցերեկը կնվազի 4-7, 17-18-ը՝ ևս 4-6 աստիճանով։ 

Երևանում՝ հոկտեմբերի 14-ի ցերեկը, 16-18-ը ժամանակ առ ժամանակ սպասվում են անձրև և ամպրոպ։ Հոկտեմբերի 15-ին սպասվում են կարճատև անձրև և ամպրոպ։ Ամպրոպի ժամանակ սպասվում է քամու ուժգնացում՝ 15-18 մ/վ արագությամբ։ Հոկտեմբերի 19-ին սպասվում է առանց տեղումների եղանակ։