Ռոնալդուն ինձ հաղորդագրություն էր ուղարկել․ Կասանո

«Ռոմայի», «Միլանի» և «Ինտերի» նախկին հարձակվող Անտոնիո Կասանոն ասել է, որ Կրիշտիանու Ռոնալդուն իրեն հաղորդագրություն է ուղարկել.

«Ես ասացի, որ ինձ համար թիվ մեկը Ռոնալդոն է, բրազիլացի։ Կրիշտիանու Ռոնալդուն իմ լավագույն հնգյակում կամ նույնիսկ լավագույն ֆուտբոլիստների տասնյակում չէ։

Հետո ստացա հաղորդագրություն իսպանական հեռախոսահամարից։ Այնտեղ կար բոլոր տիտղոսների, գոլերի և նրա վիճակագրության ցուցակը: Այնուհետև նա ինձ ձայնային հաղորդագրություն ուղարկեց՝ ասելով ․«Դու ընդամենը 150 գոլ խփեցիր և ընդամենը չորս տիտղոս նվաճեցիր»: Հիանալի է։

Ես պատասխանեցի նրան. «Սիրելի Կրիշտիանու, լսիր ինձ: Դու կարծում ես, որ ես քեզ չեմ հարգում, բայց ես պարզապես չեմ սիրում քեզ որպես ֆուտբոլիստ: Ո՞րն է խնդիրը։ Պատկերացրեք, նա ինձ հաղորդագրություն է ուղարկել»,- Armsport-ի փոխանցմամբ՝ մեջբերում է Կասանոյին Goal-ը։