Դիաբետիկ կետոացիդոզ․ ինչպես է արտահայտվում

Դիաբետիկ կետոացիդոզը զարգանում է, երբ օրգանիզմը չի կարողանում բավարար քանակությամբ ինսուլին արտադրել: Ինսուլինն առանցքային դեր է խաղում, որ շաքարը` մկանների և այլ հյուսվածքների էներգիայի հիմնական աղբյուրը, ներթափանցի բջիջներ:

Առանց բավարար ինսուլինի, օրգանիզմը որպես «վառելիք» սկսում է քայքայել ճարպը: Սա առաջացնում է արյան մեջ թթուների կուտակում, որոնք կոչվում են կետոններ: Եթե այն չբուժվի, կետոնների կուտակումը կարող է հանգեցնել դիաբետիկ կետոացիդոզի, փոխանցում է Aysor.am-ը։

Դիաբետիկ կետոացիդոզի ախտանիշները հաճախ հայտնվում են արագ, երբեմն 24 ժամվա ընթացքում։ Ոմանց համար այս ախտանիշները կարող են լինել դիաբետի առաջին նշանը:

Ախտանիշները կարող են ներառել՝

խիստ ծարավ լինելը,

հաճախ միզելը,

փսխելու կարիք զգալը և փսխելը,

ստամոքսի ցավ ունենալը,

թույլ կամ հոգնած լինելը,

շնչառության պակաս զգալը և հևալը,

շնչելուց մրգային բուրմունքով հոտը,

շփոթված լինելը:

Եթե զգում եք ինքնազգացողության վատացում, ճնշվածություն, վերջերս ունեցել եք որևէ հիվանդություն կամ վնասվածք, պետք է ստուգել արյան շաքարի մակարդակն ավելի հաճախակի:

Անմիջապես դիմեք ձեր բժշկին, եթե՝

ունեք հաճախակի փսխում եք և չեք կարողանում ստամոքսում սնունդ կամ հեղուկ պահել,

արյան շաքարի մակարդակն ավելի բարձր է, և չի արձագանքում տնային բուժմանը,

մեզի կետոնների մակարդակը չափավոր կամ բարձր է,

արյան շաքարի մակարդակը մեկից ավելի թեստով բարձր է 16,7 միլիմոլից մեկ լիտրում (մմոլ/լ) կամ 300 միլիգրամից մեկ դեցիլիտրում (մգ/դլ)։