9 մարդ է մահացել․ Իրանում ձերբակալել են կեղծ ալկոհոլային արտադրանք տարածողներին

Ձերբակալվել են կեղծ ալկոհոլային արտադրանք տարածողները, որի օգտագործման հետևանքով Իրանի Հյուսիսային Գիլան նահանգում 9 մարդ է մահացել: «Ռիա Նովոստի»-ի փոխանցմամբ՝ այս մասին հայտարարել է նահանգի դատական իշխանության ղեկավար Իսմայիլ Սադեղի-Նիարակին:

Ավելի վաղ իրանական լրատվամիջոցները հայտնել էին, որ 160 մարդ ալկոհոլային թունավորումով ընդունվել է Մազանդարան նահանգի հիվանդանոցներ, որոնք նույնպես գտնվում են Իրանի հյուսիսում և սահմանակից Գիլան նահանգին։

«Ցավոք սրտի, զոհվել է 9 մարդ... Այս դեպքի հետ կապված... կալանավորվել և բանտ են ուղարկվել ոգելից խմիչքներ արտադրողը` դիտավորյալ սպանության մեղադրանքով, և երկու (մյուսները - խմբ.) անձ, որոնցից մեկը` Ա. դիստրիբյուտորը (կեղծ ոգելից խմիչք - խմբ.), իսկ մյուսը՝ ռեստորանի սեփականատերը, որտեղ այն առաջարկվել է», - IRNA-ն մեջբերում է Սադեղի-Նիարաքիի խոսքերը։

Գործակալության տվյալներով՝ իրավապահ մարմինները հրաման են արձակել կալանավորել մեկ այլ մեղադրյալի, ով գտնվում է փախուստի մեջ, ինչպես նաև հրաման է տվել փակել կեղծ ալկոհոլային արտադրանք վաճառող ռեստորանը։