Մեքսիկան դեմ է Ուկրաինային զենք մատակարարելու համար միլիոնավոր դոլարների հատկացմանը

Մեքսիկան անհանգստացած է սպառազինությունների մրցավազքով և դեմ է Ուկրաինային զենք մատակարարելու համար միլիոնավոր դոլարների հատկացմանը։ Այս մասին հայտարարել է Մեքսիկայի ԱԳՆ ղեկավար Ալիսիա Բարսենան՝ պատասխանելով ՏԱՍՍ-ի հարցին Նյու Յորքում ՄԱԿ-ի Գլխավոր ասամբլեայի նստաշրջանի շրջանակում կայացած մամուլի ասուլիսում։

«Մենք համաձայն չենք սպառազինությունների աճող մրցավազքի հետ, այն բանի հետ, որ չկա խաղաղ լուծում, որ պատերազմը գերակայում է խաղաղությանը։ Միլիոնավոր դոլարներ են հատկացվել Ուկրաինա զենք մատակարարելու համար, և մենք բոլորս վտանգի տակ ենք։», - ասել է Մեքսիկայի ԱԳՆ ղեկավարը:

Բարսենան հավելել է, որ ուկրաինական հակամարտության գոտին չափազանց բարդ է։ «Սա այն տարածքն է, որտեղ տեղակայված են միջուկային զգայուն օբյեկտները, աշխարհը պետք է հասկանա, որ այս հակամարտության շուտափույթ լուծումը մեզ կփրկի նաև միջուկային միջադեպից», - նշել է նախարարը՝ հիշեցնելով, որ Զապորոժիեի ատոմակայանը, որը գտնվում է ԱԷԿ-ում՝ հակամարտության գոտի, աշխարհի ամենամեծ ատոմակայաններից մեկն է։