Մեզ համար հեշտ չէր գոլը խփելը․ Մբապեն խոսել է ՉԼ-ում «Ռեալի» կազմում տարած առաջին հաղթանակի մասին

Մադրիդի «Ռեալի» ֆրանսիացի հարձակվող Կիլիան Մբապեն խոսել է Չեմպիոնների լիգայի խաղարկության լիգայի փուլի առաջին տուրի «Շտուտգարտի» դեմ խաղում տարած հաղթանակի մասին (3:1):

«Հրաշալի երեկո էր։ Մենք պլանավորում էինք մրցաշարը սկսել հաղթանակով, բայց դա հեշտ չստացվեց, քանի որ սա Չեմպիոնների լիգան է։ Կարևորն այն է, որ մենք հաղթեցինք։ Մրցակիցը լավ խաղաց, մեզ համար հեշտ չէր գոլը խփելը։ Բայց ընդմիջումից հետո ամեն ինչ ստացվեց։ Թիմը հաջողության հասավ երկրպագուների շնորհիվ»,- հարձակվողի խոսքերն է փոխանցում Movistar-ը:

Հիշեցնենք, որ «Արքայական» ակումբի կազմում աչքի ընկան Կիլիան Մբապեն, Անտոնիո Ռուդիգերը և Էնդրիկը, իսկ հյուրերի միակ գոլը խփեց Դենիս Ունդավը, փոխանցում է ArmSport-ը։