Իրանում ավտոբուս է շրջվել. կան զոհեր և վիրավորներ

Իրանի Կարմիր մահիկի ընկերությունը հայտարարել է, որ երկրի հարավ-արևելքում գտնվող Յազդ նահանգում ավտոբուս է շրջվել, ինչի հետևանքով զոհվել է 10 մարդ, ևս 36-ը վիրավորվել են։

Ավտոբուսը շրջվել է երեքշաբթի վաղ առավոտյան Սաքանդից Ռոբատ տանող ճանապարհի 20-րդ կիլոմետրին։ Անմիջապես դեպքի վայր է մեկնել 6 փրկարարական ջոկատ, հայտնում է mehrnews.com-ը։

Տուժածները տեղափոխվել են բժշկական կենտրոններ։