25 մլն դոլար. Դեն Բիլզերյանը վաճառում է Լաս Վեգասի իր առանձնատունը (լուսանկարներ)

Ամերիկահայ պրոֆեսիոնալ պոկեր խաղացող, սոցցանցերի աստղ Դեն Բիլզերյանը վաճառում է Լաս Վեգասում գտնվող իր առանձնատունը: Միլիոնատերն անշարժ գույքի համար պահանջում է 25 մլն դոլար, Tert.am-ի փոխանցմամբ՝ գրում է tmz.com-ը:

Առանձնատունն ունի 7 ննջասենյակ, 12 սանհանգույց, 16 մեքենայի համար նախատեսված ավտոտնակ: Տան հարմարություններն այնքան տպավորիչ են, որ այն նկարագրվում է որպես «բացառիկ» անշարժ գույք:

«Անշարժ գույքի ոլորտում իմ 25 տարվա աշխատանքի ընթացքում ես երբեք նման բան չեմ տեսել: Տան շինարարության արժեքը 20 միլիոնից ավելի է: Այն ժամանակից ի վեր, երբ Դենը գնել է այն, նա միլիոններ է ներդրել՝ շինարարական նյութեր ներմուծելով ամբողջ աշխարհից», - ասել է Berkshire Hathaway Home Services Nevada Properties-ի ներկայացուցիչ Ֆրենկ Նապոլին:

Բիլզերյանը որոշել է վաճառել տունը, քանի որ անշարժ գույք է գնում Բալիում և Դուբայում: Ըստ ռիելթորի՝ Բիլզերյանը մտադիր է հրաժարվել ԱՄՆ-ում մշտական բնակությունից: