Լուկակուի՝ Նապոլի տեղափոխությունը կարող է ձախողվել

«Չելսին» դեռևս հավանություն չի տվել 31-ամյա հարձակվող Ռոմելու Լուկակուին «Նապոլի» 30 միլիոն եվրոյով տեղափոխելու գործարքին, հաղորդում է լրագրող Ջանլուկա Դի Մարցիոյի պաշտոնական կայքը։

Աղբյուրի համաձայն, եթե լոնդոնյան ակումբը չհաստատի բելգիացի ֆուտբոլիստի տրանսֆերը առաջիկա ժամերին, «Նապոլին» կփորձի իրականացնել «Բենֆիկայի» հարձակվող Դավիդ Ներեսի գործարքը, որի գնումը նեապոլիտանական ակումբին կարող է արժենալ 28 միլիոն եվրո:

Անցած մրցաշրջանում բելգիացի հարձակվողը վարձավճարով հանդես էր գալիս «Ռոմայում»: Նա բոլոր մրցաշարերում մասնակցել է 47 հանդիպման, որոնցում դարձել է 21 գոլի և 4 գոլային փոխանցման հեղինակ։ Ֆուտբոլիստի գործող աշխատանքային պայմանագիրն ակումբի հետ նախատեսված է մինչև 2026 թվականի ամառը: Transfermarkt պորտալում ներկայացված տեղեկատվության համաձայն՝ ֆուտբոլիստի շուկայական արժեքը կազմում է 30 միլիոն եվրո:

Աղբյուր՝ ArmSport.am