на Русском
Սիմոնյանը հայ-վիետնամական հարաբերությունների ... 
ՏԿԵ նորանշանակ նախարարն այցելել է Նոր Հաճնի կ... 
Ալեն Սիմոնյանն աշխատանքային այցով եղել է Վայոց ձորի մարզում
ՀՀ ԱԺ նախագահ Ալեն Սիմոնյանի՝ Վայոց ձորի մարզ կատարած աշխատանքային այցը մեկնարկել է Նորավանքի վանական համալիրից, որտեղ ԱԺ նախագահին դիմավորել է մարզի հոգեւոր թեմի առաջնորդ Գերաշնորհ Տեր Աբրահամ արքեպիսկոպոս Մկրտչյանը: Այս մասին հայտնում են ՀՀ ԱԺ-ից։
«Դրանից հետո Ալեն Սիմոնյանն այցելել է Ջերմուկ, հանդիպել տեղի բնակիչներին, այնուհետեւ դիտարկման միջոցով ծանոթացել սահմանային իրավիճակին: Շրջայց կատարելով «Ջերմուկ Գրուպ» ընկերությունում՝ ԱԺ նախագահը ծանոթացել է գործարանի արտադրական կարողությունների զարգացմանը:
Խորհրդարանի ղեկավարը եղել է նաեւ Վայք եւ Եղեգնաձոր համայնքներում, այցելել սահմանամերձ Խնձորուտ բնակավայր, զրուցել գյուղացիներին մտահոգող տարաբնույթ թեմաների շուրջ ու դրանց լուծումներ տալու պայմանավորվածություններ ձեռք բերել:
ՀՀ ԱԺ նախագահն աշխատանքային այցի ընթացքում եղել է նաեւ ՊՆ N զորամասում, զրուցել զինծառայողների հետ, ծանոթացել վերջիններիս սոցիալ-կենցաղային պայմաններին ու նրանց խաղաղ ծառայություն մաղթել»,-ասված է հաղորդագրության մեջ:
