«Ես հավատ ունեմ սրտումս, որ հաղթելու եմ». Անի Քոչար

Անի Քոչարն ինստագրամյան էջում նոր լուսանկարներ է հրապարակել և կից գրառում արել. «Ես ամեն օր աշխատում եմ ինձ վրա, ամրացնում հոգևոր դաշտս, փորձում Տիրոջից մի քայլ անգամ չհեռանալ, որ հաղթեմ:
Ու հավատ ունեմ սրտումս և ո՛չ մի երկմտանք. հաղթելու՛ եմ, Տիրոջո՛վ հաղթելու եմ»:

Հիշեցնենք, վերջերս Անին հարցազրույցներից մեկում պատմել էր իր առողջական խնդիրների ու կյանքի բարդ փուլի մասին:

«Ես այժմ ունեմ ոչ թե օնկոլոգիական խնդիր, ինչպես շատերի մոտ տպավորություն է, ես ունեմ սրտի լուրջ խնդիր: Դա մեկը չէ, այլ՝ մի քանիսն են: Սիրտն ինքնուրույն չի աշխատում, սրտամկանը թուլացած է: Դեղորայքով պետք է օգնել, որպեսզի այն դիմակայի: Միևնույն ժամանակ կան այլ խնդիրներ՝ աորտայի անևրիզմա, փականային և այլ խնդիրներ:

Անհրաժեշտություն կա նաև վիրահատական միջամտության, սակայն չի արվում, քանի որ դրա համար պետք է առողջ սիրտ, որպեսզի դիմակայի հետվիրահատական ծանր շրջանին: Պետք է նախ սիրտը առողջացնել, որ սկսի ինքնուրույն աշխատել, որից հետո նոր գնալ այդ ռիսկին և վիրահատել»,- ասել էր Անի Քոչարը: