«Առնվազն 12 տարի չենք պատրաստվում պարտվել ոչ մի ընտրությունում». Կոբախիձե

Վրաստանի վարչապետ Իրակլի Կոբախիձեն հայտարարել է, որ «Վրացական երազանքը» առնվազն 12 տարի չի պատրաստվում պարտվել ոչ մի ընտրությունում: Այդ մասին կառավարության ղեկավարը հայտարարել է իշխանական կուսակցության նոր կենտրոնական գրասենյակի բացման ժամանակ։

Կոբախիձեն կրկնել է, որ «Վրացական երազանքը» անցյալում է թողել մարդկանց խոշտանգումները, բռնությունները, բիզնեսի դեմ ռեկետը, լրատվամիջոցների գրավումը և բազմաթիվ այլ հանցագործություններ, որոնք իրականացվել են «ավտորիտար ռեժիմի»՝ «Միացյալ ազգային շարժման» կողմից։ Վարչապետը շնորհակալություն է հայտնել օլիգարխ, «Վրացական երազանքի» պատվավոր նախագահ Բիձինա Իվանիշվիլիին՝ երկիրը գործակալների և նրանց ավտորիտար իշխանությունից ազատելու համար։