на Русском
Մեկնարկել է «ԻԳործի» 5-րդ փուլը
Պարգևատրվել են Վայոց ձորի մարզպետի աշխատակազմ... 
Իմ լավագույն բարեմաղթանքները փոխանցեք պարոն Մակրոնին, և իրականում այն ինչ հիմա նա անում է՝ հենց հանուն ժողովրդավարության է. նախագահը՝ դեսպանին
Հանրապետության նախագահ Վահագն Խաչատուրյանը Ֆրանսիայի Հանրապետության Ազգային տոնի առթիվ այցելել է Հայաստանում Ֆրանսիայի դեսպանատուն:
Նախագահը շնորհավորել է Հայաստանում Ֆրանսիայի արտակարգ և լիազոր դեսպան Օլիվիե Դըկոտինյին և ի դեմս նրա՝ Ֆրանսիայի բարեկամ ժողովրդին, մաղթել հաջողություն ու ամենայն բարիք:
«Մաղթում եմ նաև ուժ, կորով, որպեսզի այս դժվար ժամանակները հաղթահարվեն: Դժվար ասելով նկատի ունեմ՝ ժողովրդավարության համար: Խնդրում եմ նաև իմ լավագույն բարեմաղթանքները փոխանցեք պարոն Մակրոնին, և իրականում այն ինչ հիմա նա անում է՝ հենց հանուն ժողովրդավարության է»,- իր խոսքում մասնավորապես նշել է Հանրապետության նախագահը:
Հայաստանում Ֆրանսիայի դեսպանն իր հերթին շնորհակալություն է հայտնել այցելության և բարեմաղթանքների համար: «Ձեր այցելությունը մեծ պատիվ է մեզ համար, նաև խոսում է մեր ժողովրդի հանդեպ Ձեր տածած սիրո և բարեկամության մասին: Ֆրանսիական հեղափոխության արժեքները՝ ազատությունը, հավասարությունը և եղբայրույթունն են, և դրանք նույն սկզբունքներն են, որոնք մենք կիսում ենք Հայաստանի հետ»,- նշել է դեսպան Օլիվիե Դըկոտինյը:
