Քննարկվել է «Երևան» պատանեկան և Փարիզի սիմֆոնիկ նվագախմբերի համատեղ հնարավոր նախագծերի իրագործումը
![](/timthumb.php?src=disc/05-07-24/eb0653aa1f5847b36b878a6b0b67df5d.jpg&w=450)
Երևանի քաղաքապետի տեղակալ Լևոն Հովհաննիսյանն ընդունել է Փարիզի քաղաքապետի տեղակալ Անուշ Թորանյանին: Այս մասին տեղեկացնում են Երևանի քաղաքապետարանից։
«Հանդիպման ընթացքում քննարկվել են մի շարք ոլորտներում նոր ծրագրերի իրականացման հնարավորությունները՝ Երևան-Փարիզ համագործակցությունն առավել սերտացնելու նպատակով:
Քննարկվել է նաև «Երևան» պատանեկան և Փարիզի սիմֆոնիկ նվագախմբերի համատեղ հնարավոր նախագծերի իրագործումը»,- ասված է հաղորդագրության մեջ: