Հույս եմ հայտնում, որ ՀՀ-ի և Ադրբեջանի միջև խաղաղության համաձայնագրի գործընթացը կպահպանի դրական դինամիկա. Վրաստանի ԱԳ նախարար
![](/timthumb.php?src=disc/03-07-24/b6cfaba23da8a734d527ab3e6f0ae686.jpg&w=450)
Վրաստանը հաստատակամորեն աջակցում է Հարավային Կովկասում կայունությանն ու խաղաղ գոյակցությանը: Մենք պատրաստ ենք շարունակել մեր ներդրումը՝ խթանելու կառուցողական երկխոսությունը, և տարածաշրջանում ապահովել կայունություն ու խաղաղություն մեր հարևանների կարիքների, հնարավորությունների սահմաններում: Այդ մասին Թբիլիսիում Հայաստանի և Վրաստանի ԱԳ նախարարների համատեղ ասուլիսի ժամանակ հայտարարեց Վրաստանի արտաքին գործերի նախարար Իլյա Դարչիաշվիլին:
«Ողջունում ենք Հայաստանի և Ադրբեջանի միջև խաղաղ ճանապարհով ընդունված պատմական որոշումը՝ սկսելու պետական սահմանի սահմանազատման գործընթաց: Հույս եմ հայտնում, որ Հայաստանի և Ադրբեջանի միջև խաղաղության համաձայնագրի գործընթացը կպահպանի դրական դինամիկա»,- ասաց նա:
Նախարարները քննարկել են ընթացիկ իրադարձություններ, Հայաստանի տարբեր մարտահրավերները, ինչպես նաև ընթացիկ օկուպացիայի և այն դժվարությունների մասին, որոնք այս գործընթացից բխում են:
Եզրափակելով խոսքը՝ Վրաստանի ԱԳ նախարարը հայտարարեց. «Մեր ժողովուրդների միջև դարավոր բարեկամությունը մեզ ամուր հիմք է տալիս մեր պետությունների միջև հարաբերություններն է՛լ ավելի հզորացնելու և ամրապնդելու, ինչը շատ կարևոր է մեզ համար»: